課程包一次戶外考察,雖不能真正駕船出海,但可讓學員親身於遊樂船中了解各個部分的運作。

職場起底組

學做船長 出海享受夏日

踏入 5月已經三十幾度,要數消暑節目,水上活動必不可少,如果能駕駛遊艇出海,同班 friend開船 P,一定是賞心樂事!在進入偉大航道前,得先下點苦功,報讀坊間的遊樂船隻操作員課程,學習航海知識及操作遊艇等遊樂船隻,在成功考取遊樂船操作執照及船長牌後,享受乘風破浪的快感之餘,亦可入行做船隻操作員,多一條出路!

課程主要分為船長、輪機及考試 3大範疇,由資深的遊樂船隻操作員 Terry任教,「船長部分會教授航行知識,好似喺維港內航行嘅速度限制及航標嘅顏色;輪機部分會介紹船隻機器,例如活塞運動、個軸點樣轉等維修知識。」

避碰規則好重要

課程以 96小時的理論課為主, Terry指其中「國際海上避碰規則」尤其重要,「會教機動船、帆船、漁船及失控船嘅分別,好似機動船要讓失控船,呢啲一定要熟讀,到真係出海時,先唔會出錯同知道點處理。另外,我哋仲會教操作技巧,例如左轉機、右轉機、橫向壓力及泊碼頭等。」
完成所有理論部分後,最後設有筆試,合格便能獲得遊樂船隻二級操作人證明,可駕駛 15米內的船種,「畢業後,學員可向遊艇會申請職位,亦可留意勞工處嘅遊樂船隻操作員空缺。」由水手做起,一般薪金約$15,000至$18,000不等;升為船長後,薪金視乎駕駛船隻的大小而定,一般 50呎內船種,月薪約$20,000以上。

採訪當日, Terry正示範如何駕駛船隻,學員可看到船上的各樣儀器及部件。

課  程:遊樂船隻操作員(遊樂船隻二級操作人證明書考試)基礎證書
機  構:香港善導會
學  費:全免
入學資格:須年滿 18歲;及中三學歷程度,或小六學歷程度及具兩年或以上工作經驗;須符合「香港海事處」要求的視力測驗標準;須通過面試。
訓練期: 96小時( 9天全日制及 6天半日制,訓練期約 6星期)
上課時間: 9am至 6pm; 9am-01pm或 2pm-6pm(半日)
上課地點:荔枝角
內  容:讓學員掌握有關遊樂船隻的操作知識及實務技能,協助學員投身遊樂船隻二級操作人員或相關工作。
查  詢: 2185 6262/ 3590 5908

Terry導師
學員以男士為主,到考察部分,我會帶學員嚟遊艇會,親身感受置身船中嘅感覺,同埋見吓實質嘅設施。仲可以畀佢哋睇吓真實嘅航道,印象會深刻啲!

Thomas學員
自己幾鍾意大自然,想學駕駛船隻出海,了解各種航行細節及操作原理後,覺得呢份工作幾特別,都考慮入行!

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵吓有乜好工跳槽,刮盡各行筍料秘聞。

撰文:打工達人
攝影:傅新發