課堂上, Patsy會先示範各種步驟,然後讓小朋友親自完成。將蛋白與蛋黃分開,已讓大家很雀躍。

創業通

小廚神教室

怪獸家長對孩子過份保護,令新一代港孩欠缺生活所需技能。到學校面試時,不想孩子被問及如何烚蛋煮麵,都答:「叫工人姐姐做。」便得放手讓他們從小學習自理能力。喜歡烹飪的 Patsy,有見現今小朋友過度依賴,她藉着開設烹飪教室,從製作不同的菜式中,培養孩子們的責任感及學習生活技巧,讓他們有照顧自己的能力,做個入得廚房出得廳堂的小廚神!

採訪當日, ThePatsy教室內充滿孩子們的笑聲,他們平日甚少下廚,對製作班戟的每個步驟都很好奇。面對小朋友不斷的提問, Patsy很有耐性地逐一解答,「畀佢哋親手去造,印象會深刻啲,同埋從中學習自主能力。」
ThePatsy教室主打小朋友烹飪班,學員以 7至 14歲的小朋友、媽媽客及公司客為主,每日平均開兩班,每班由 8至 22人不等。親子班及小朋友班每堂 1.5小時,每位收費$500起; MasterChef比賽等 team building活動則每位$1,000起。舉辦 party活動,兩小時收費$5,000(兩間房),廚房則兩小時$8,000,收費視乎食材而有所調整。 Patsy表示暑假及聖誕等旺季則每日開 3班或辦派對活動,每月約賺$40,000至$60,000,旺季比平日多賺約 30%至 40%。

7歲學煮餸

Patsy笑說受媽媽及婆婆的影響, 7歲起已很喜歡烹飪,夢想開一間廚藝學校,「我細細個已經記住媽媽同婆婆教我嘅醃肉口訣,可以用『鼓油豆粉糖鹽油』,我對中西菜都好有興趣。」然後,她到美國的紐約瑪麗蔓大學修讀飲食管理及營養學系,畢業返港後,便到洲際酒店餐飲部接受訓練。

雖然 90年 Patsy因要接掌家族業務退出飲食界,但她並沒有放棄,「台灣菜、上海菜、楊洲菜、西餐、甜品,我全部都好有興趣。我平時仲會去唔同國家學各種烹飪技巧,例如去韓國學唧花及去台灣學造麵包。」
08年,朋友深知 Patsy對烹飪的熱情,邀請她於 City Super擔任客席廚藝講師,主要教授甜品製作。「當年囡囡 4歲,我啲時間會鬆動啲,可以試吓教班。一星期 3堂,星期六日以親子班為主,一教就 6年。」

實現夢想

這 6年間, Patsy建立了穩定的學生群,囡囡亦長大了不少,她與朋友覺得是時候實現自己一直以來開廚藝學校的夢想。 14年, Patsy辭去地產生意的工作,全力發展自己的事業,「身邊朋友都有糖尿、關節痛等病痛,所以想以健康飲食為主;加上新一代小朋友自立能力唔強,希望可以由小培養佢哋嘅自理能力。」
ThePatsy於 15年 3月正式開業,設有小朋友班、親子班、成人班、派對活動及 MasterChef比賽活動等, Patsy表示:「同坊間其他廚藝學校唔同嘅地方,我會 prepare好要用嘅材料,但唔會分好分量,我會要求小朋友自己去量、自己去拎,可以喺過程中教佢哋分辨發粉、高筋麵粉、低筋麵粉;油可以用匙、量杯等去量,學識各種食材及工具嘅分別同用法。」

Patsy更於日本搜羅適合小朋友使用的廚具,以安全為首要條件,「適合小朋友使用嘅廚具,設計上好講究,刀頭會圓啲、手握地方亦會 fit手形。」

ThePatsy設有廚房教室及開放式廚房教室,廚具一應俱全。廚房教室可以容納約 22人,開放式廚房教室則每次最多 8人。

小朋友所用的廚具除了安全性高外, Patsy更彩用顏色分類,刻意挑選顏色鮮艷的器皿,讓小朋友學習處理各樣的材料,「我試過上烹飪班,所用材料都用銀色碗,有時一不留神或者太嘈就會分唔清。鮮艷嘅顏色可以令小朋友集中啲,又易睇啲。」

進行比賽時, Patsy會準備各種新鮮的食材讓參賽者選用,「呢個食材架係參照美國電視節目《 MasterChef》嚟整。」

遵守廚房規則

上堂前, Patsy都會讓小朋友遵守廚房的規則,如扎頭髮、不可穿拖鞋、不可帶飾物及不可奔跑等,然而,有時還是會發生小意外,「試過有小朋友切到手指流血,初頭都幾驚,但反而嗰位小朋友鎮定,我之後會提點佢哋多啲,同埋教埋佢哋急救嘅常識。」
Patsy會教烹調蜜糖炆雞翼、炸龍脷柳、炸雞肉片、土豆條、粟米烤及雪糕等小朋友喜歡的食物,引發他們的興趣。她最開心是可以解決小朋友偏食的問題及養成良好的習慣,「有小朋友本身唔鍾意食豬肉,但當我教佢哋整滷肉飯,全個過程由佢親手主理,佢之後竟然肯食;亦有唔少小朋友,喺度學完煮嘢食嘅流程,返屋企會主動參與煮飯、開枱、 b枱等工作,真係好有成功感。」

台式鹵肉飯

香草燒雞

Bruschetta香草番茄意式麵包

Rebecca(家長):之前帶過仔仔 Leroy去 City Super上 Patsy嘅甜品班,先知原來 4歲小朋友都可以 handle到整嘢食。見佢哋玩得幾開心,又可以學煮嘢食,所以帶佢哋嚟上堂。

Levoy(學員):覺得整嘢食好好玩,有時喺屋企都會幫手整 pancake。

製成班戟逐格睇

Patsy先讓小朋友自行量度所需調味、糖及麵粉的分量。

當小朋友將蛋白與蛋黃分開後,將蛋白加以鮮奶、糖及麵粉加以攪拌。有時學員所調配的分量不當, Patsy便會親自幫忙。

攪到起泡成半漿狀時, Patsy讓小朋友將盆放於頭頂,測試效果,如蛋漿不跌下來便成功,大家都覺得很有趣!

然後,小朋友將混合物放在模具中煎成班戟。

最後在班戟上加以忌廉及朱古力粒作裝飾。

《完成》
小朋友的作品似模似樣。

開業成本
租金(兩按一上):$114,000
器材+裝修:$1,800,000
總投資:$1,914,000

每月開支
租金:$38,000
人工:$100,000(兩位老闆)
入貨及雜費:$20,000
營業額:$220,000
盈利:$ 62,000

撰文:霍芷晴
攝影:陳子禮(部分圖片由被訪者提供)