在課堂上, Shandi會安排學員分組進行製作練習,「學員可以分工合作,親身試過製作嘅步驟,有助增強佢哋嘅記憶及掌握到當中嘅技巧。」

上 COURSE

學成分製作 做化妝品配方師

今年 4月播出的日劇《人 100%靠外表》,講述 3位修讀理科的女研究員,一邊將化學應用在化妝品上,一邊學習將自己變靚的故事,過程有趣又實用。在自己動手造化妝護膚品前,先要了解一般化妝品所用的材料種類與成分,然後學習製作過程。最近青年協會生活學院開辦了化妝品配方師培訓課程,為有意入行者作簡介及示範,要變靚,當然要靠自己的一雙手!

課程由研究 D.I.Y.化妝品近 17年的 Shandi導師任教,她曾到韓國、台灣及日本進修化妝品的製作技巧,「我會教學員皮膚及頭髮嘅基本生理知識,例如皮膚每 28日就會更新一次;頭髮有分生長期、保存期和枯死期。另外,我哋會教學員認識普遍用作化妝品及護膚品嘅材料,包括油品分為橄欖油、芥花子油、栗果油及米糠油等;水就分為離子水、花水及洋甘菊水等;脂都有分乳木果脂、可可脂及羊毛脂;最後蠟可分為蜜蠟、樹脂蠟及花蠟等。」 Shandi指學懂成分,即使未能即時成為化妝品配方師,對自己購買化妝品及護膚品時都會有幫助。

講解 12個類別

Shandi主張用天然植物元素製作化妝品及護膚品,課程的初班會簡介化妝品、護膚品及彩妝的種類,「中班會詳細講解每個課題,共分為 12個類別,分別係洗滌(即洗頭水、護髮素及肥皂等)、凝膠、乳霜、藥膏、粉末、防腐、防曬、精華素、香薰、面膜、化妝水及按摩油。我仲會講解水加油品、油品加脂及各種油品配搭嘅技巧。」

學員即場製作

在課堂上,導師會教學員製作不同的產品,如紫草膏及按摩油。

課堂上, Shandi會示範製作一套護膚品,包括卸妝油、洗臉乳、化妝水及精華素或油膏,「我會安排學員約 4至 5人一組,並進行製作,了解分量及步驟,用都會安心啲。」
修畢課程後,若學員對化妝品配方師行業有興趣,可以選擇報讀各大專院校開設的化妝產品或藥妝醫學產品學位課程, Shandi表示:「取得認証後,學員可以試吓去化妝品製造公司應徵。初入行嘅配方師可能會做外國產品配方嘅翻譯工作,再就亞洲人皮膚進行調節,因亞洲比西方國家潮濕,所以產品嘅油脂分量唔需要太多。」初入行的化妝品配方師,薪金約為$15,000至$18,000。

製作金盞萬用膏

導師會示範製作化妝品,金盞花萬用膏適合於秋冬使用,可以舒緩皮膚痕癢及主婦手等問題,亦適用於乾裂和水泡等傷口,可促進癒合。 Shandi表示:「只需簡單嘅工具,學員平時喺屋企都可以做到。」

1.先加入金盞花浸泡油 10g及沙棘果油 6g。金盞花浸泡油有消炎殺菌和舒解皮膚過敏痕癢的作用;沙棘果油則有袪毒、清血液及消除體內雜質的作用。

2.然後加入 5g蜜蠟,可以舒緩皮膚乾燥問題。

3.一邊加熱,並一邊加入 8g乳木果脂,並加以攪拌致熔解。乳木果脂可以修補皮膚,對濕疹、皮膚炎、牛皮癬及傷口都有效。

4.當蜜蠟和乳木果脂完全熔解後,便可以加入 3滴薰衣草精油及 1g維他命 E,可以緩解緊張及加強產品抗氧化,保存更久。

5.最後倒入已消毒的鋁盒內。

完成

導師  Shandi
學員有大學生、退休人士,仲有好多係從事化妝品銷售工作嘅售貨員,年齡約 25至 40歲,以女士為主。佢哋想了解多啲化妝品嘅成分,對 sell客有幫助;亦有啲係公司要求佢哋嚟報讀,打好底子。

學員  Candy
我加入咗美容產品銷售行業約 1年,想了解多啲唔同化妝品嘅配方理論。喺課堂上,我有得親身試吓製作過程都幾得意;另外,當知道化妝品及護膚品嘅成分及材料後,自己都會盡量揀天然材料製作嘅嚟使用。

撰文:霍芷晴
攝影:葉偉豪